Адпуст Маці Божай Гудагайскай пройдзе 18 і 19 ліпеня
Сёлета свята ў дыяцэзіяльным санктуарыі Маці Божай Шкаплернай у Гудагаі, што ў Гродзенскай дыяцэзіі, адбываецца ў 775-годдзе шкаплерных аб’яўленняў і 35-годдзя аднаўлення структур Каталіцкага Касцёла ў Беларусі.
Падчас урачыстасцяў мы будзем маліцца таксама за арцыбіскупа Тадэвуша Кандрусевіча з нагоды яго 80-годдзя з дня нараджэння ды 45-годдзя святарства і біскупа Аляксандра Кашкевіча, які сёлета святкуе 50-годдзе святарства і 35-годдзе біскупства.
Праграма урачыстасці
18 - 19 ліпеня 2026
18.00 – Святая Імша і заканчэнне навэнны (на палявым алтары)
20.00 – Крыжовая дарога на Кальварыі
00.00 – Працэсія са свечкамі (вакол касцёла і могілак)
– Святая Імша (на палявым алтары)
– Начное чуванне і адарацыя Найсвяцейшага Сакрамэнту (у касцёле)
08.30 – Гадзінкі пра НПМ (у касцёле)
10.00 – Святая Імша на польскай мове (на палявым алтары)
12.00 – Урачыстая адпустовая Святая Імша (на палявым алтары)
Драўляную святыню ў Гудагаі пабудавалі ў 1763 годзе Людвіка Ганна Война з Сулістроўскіх, якая разам са сваім мужам і вернікамі навакольных мясцовасцей пажадала аддаць хвалу Богу і Найсвяцейшай Маці ў Яе выяве, што ўжо тады лічылася славутай ласкамі. Такім чынам касцёл Адведзін Найсвяцейшай Панны Марыі ў Гудагаі стаў таксама мэтай пілігрымаў, якія прыбывалі сюды з просьбамі аб аздараўленні фізічным, маральным і духоўным. Кармэліты босыя, апекуны святыні, у хроніках запісалі шматлікія сведчанні дзеяння Пана Бога на гэтым святым месцы. У наш час Гудагай шырокавядомы не толькі ў Беларусі, а галоўны адпуст у гонар Маці Божай Гудагайскай збірае ды аб’ядноўвае вернікаў з розных куткоў нашай краіны і з-за мяжы.
Дзверы гудагайскай святыні адкрыты заўсёды для пілігрымаў і наведвальнікаў, якія хочуць памаліцца ды адпачыць у асаблівай атмасферы касцёла, ружанцовых дарожак, мясцовай Кальварыі ды пепаўторнай прароды і краявідаў.
Адпусты ў гонар Маці Божай з Гары Кармэль (Шкаплернай) пройдуць 16 ліпеня ва ўсіх касцёлах, дзе служаць кармэліты босыя. У Беларусі - гэта ў Мядзелі, Гудагаі, Нарачы і Мінску.
Сардэчна запрашаем!
Кармэліты босыя з Гудагая
вул. Герасіменкі 6/1
220047 Мінск
Сайт вікарыяту ў Беларусі
Партал Каталіцкага Касцёла ў Беларусі
Афіцыйны сайт ордэна
Курыя вікарыяту
Cайт Варшаўскай правінцыі
Сайт зроблены ў канструктары сайтаў WebWave