У мінскім Кармэлі распачаўся юбілейны год, прысвечаны святому Яну ад Крыжа, Доктару Касцёла
15 снежня ў Ордэне кармэлітаў босых распачаўся юбілейны год з нагоды 300-годдзя кананізацыі і 100-годдзя абвяшчэння святога Яна ад Крыжа Доктарам Паўсюднага Касцёла.
З гэтай нагоды ў мінскім Кармэлі у касцёле Божага Цела напярэдадні вечарам адбыліся ўрачыстыя Нешпары ў гонар святога Яна ад Крыжа з удзелам вернікаў. Мясцовая супольнасць кармэлітаў босых узначаліла Літургію Гадзінаў, а на заканчэнне праспявала ўрачысты спеў Salve Regina («Вітай, Уладарка).
На наступны дзень ва ўрачыстасць Рэфарматара і духоўнага Айца Ордэна святога Яна ад Крыжа вячэрнюю Эўхарыстыю ўзначаліў і прамовіў гамілію Рэгіянальны настаяцель кармэлітаў босых у Беларусі айцец Пётр Фроштэга OCD.
Галоўны цэлебрант у гаміліі засяродзіў увагу на гісторыі жыцця святога айца Яна, а таксама на яго духоўнай спадчыне, якую пакінуў Ордэну і Касцёлу.
Святар таксама абвясціў пра магчымасць атрымання адпустаў за ўдзел ва ўрачыстасцях юбілейнага года. Расклад урачыстасцяў будзе пададзены пазней.
На заканчэнне літургіі айцец Пётр павіншаваў усіх прысутных вернікаў і членаў Свецкага Ордэна кармэлітаў босых са святам і пажадаў усім плённа чэрпаць духоўныя даброты са скарбніцы духоўнасці святога Яна ад Крыжа.
А. Юрый Кулай OCD
вул. Герасіменкі 6/1
220047 Мінск
Сайт вікарыяту ў Беларусі
Партал Каталіцкага Касцёла ў Беларусі
Афіцыйны сайт ордэна
Курыя вікарыяту
Cайт Варшаўскай правінцыі
Сайт зроблены ў канструктары сайтаў WebWave