12 звычайная нядзеля
ЕВАНГЕЛЛЕ (Мц 10, 26–33)
У той час:
Езус сказаў сваім Апосталам: Не бойцеся людзей, бо няма нічога схаванага, што б не адкрылася, і нічога патаемнага, што б не стала вядомым. Што кажу вам у цемры, гаварыце на святле, і што на вуха чуеце, прапаведуйце на дахах. Не бойцеся тых, хто забівае цела, душы ж не могуць забіць; а бойцеся больш таго, хто можа і душу, і цела загубіць у геене. Ці ж не два вераб’і прадаюцца за ас? I ніводзін з іх не ўпадзе на зямлю без волі Айца вашага.
У вас жа і валасы на галаве палічаны. Таму не бойцеся: вартыя вы больш за многіх вераб’ёў. Так кожнага, хто вызнае Мяне перад людзьмі, і Я прызнаю перад Айцом Маім, які ў нябёсах. А хто адрачэцца ад Мяне перад людзьмі, ад таго і Я адракуся перад Айцом Маім, які ў нябёсах.
КАМЕНТАРЫЙ
Страх — адзін з найгоршых ворагаў нашага хрысціянскага жыцця. Езус заклікае: «Не бойцеся», «не бойцеся». І Езус апісвае тры канкрэтныя сітуацыі, з якімі давядзецца сутыкнуцца. Перад усім, па-першае, варожасць тых, хто хацеў бы прымусіць замаўчаць Божае Слова, падсаладзіць яго, разбавіць або прымусіць замаўчаць тых, хто яго абвяшчае. [...] Другая цяжкасць, з якой сутыкнуцца місіянеры Хрыста - гэта фізічная пагроза адносна іх, прамы пераслед аж да забойства. Гэтае прароцтва Езуса спаўнялася ва ўсе часы: гэта балючая рэчаіснасць, але яна сведчыць аб вернасці сведкаў. Колькі хрысціян пераследуюць і сёння па ўсім свеце! Яны пакутуюць за Евангелле з любоўю, з’яўляючыся мучанікамі нашых дзён. [...] Трэцім выпрабаваннем, з якім давядзецца сутыкнуцца апосталам, называе Езус пачуццё, якое некаторыя могуць дасведчыць: нібы сам Бог іх пакінуў, застаючыся далёкім і маўклівым. І тут Езус заклікае нас не баяцца, таму што, нягледзячы на тое, што мы перажываем такія ці іншыя пасткі, жыццё вучняў знаходзіцца ў руцэ Бога, які любіць нас і абараняе.
(Папа Франццішак, Малітва «Анёл Панскі», 21 чэрвеня 2020 г.)
вул. Герасіменкі 6/1
220047 Мінск
Сайт вікарыяту ў Беларусі
Партал Каталіцкага Касцёла ў Беларусі
Афіцыйны сайт ордэна
Курыя вікарыяту
Cайт Варшаўскай правінцыі
Сайт зроблены ў канструктары сайтаў WebWave