Сайт зроблены ў канструктары сайтаў WebWave

Cайт Варшаўскай правінцыі

Курыя вікарыяту

Афіцыйны сайт ордэна

Партал Каталіцкага Касцёла ў Беларусі

Сайт вікарыяту ў Беларусі

вул. Герасіменкі 6/1

220047 Мінск

КАРМЭЛІТЫ БОСЫЯ

Przycisk

ЕВАНГЕЛЛЕ (Ян 6, 1–15)

Пасля гэтага Езус адышоў за Галілейскае, або Тыберыядскае мора. Ішло за Ім мноства людзей, таму што бачылі знакі, якія чыніў над хворымі. І ўзышоў Езус на гару, і сядзеў там са сваімі вучнямі. А набліжалася Пасха, юдэйскае свята. Калі Езус узняў вочы і ўбачыў, што мноства людзей ідзе да Яго, сказаў Філіпу: «Дзе нам купіць хлеба, каб накарміць іх?» А казаў гэта, выпрабоўваючы яго, бо сам ведаў, што збіраўся рабіць. Філіп адказаў Яму: «Хлеба на дзвесце дынараў не хопіць ім, каб кожнаму дасталося хоць крыху!» Кажа Яму адзін з вучняў Ягоных, Андрэй, брат Сымона Пятра: «Ёсць тут адзін хлопец, які мае пяць ячменных хлябоў і дзве рыбіны, але што гэта для такога мноства?» Езус сказаў: «Загадайце людзям сесці». А было на тым месцы шмат травы. І селі людзі, якіх было каля пяці тысяч. Езус узяў хлябы і, узнёсшы падзяку, раздаў тым, хто сядзеў; таксама і рыбы, колькі хто хацеў. А калі насыціліся, кажа вучням сваім: «Збярыце кавалкі, што засталіся, каб нічога не змарнавалася». Яны сабралі і напоўнілі дванаццаць кашоў кавалкамі з пяці ячменных хлябоў, якія засталіся ў тых, хто еў. Калі ж людзі ўбачылі, які знак учыніў Езус, казалі: «Ён сапраўды прарок, які павінен прыйсці на свет!» Калі Езус даведаўся, што хочуць прыйсці і схапіць Яго, каб зрабіць каралём, зноў адышоў на гару адзін.

                                    

КАМЕНТАРЫЙ

Езус паступова пачынае падрыхтоўваць сваіх вучняў да падзей, якія адбудуцца падчас Яго апошняй Пасхі. Тады Ён здзейсніць перамяненне хлеба ў сваё Цела і віна ў сваю Кроў. І таму цуд размнажэння хлеба, паказаны ў сённяшнім фрагменце з Евангелля паводле св. Яна, прадстаўлены таксама ў кантэксце надыходзячай Пасхі. Усе прысутныя ўжо ў хуткім часе будуць успамінаць выхад з Егіпта і цуды, здзейсненыя Яхвэ для Ізраэля ў пустыні, між іншым, і тое, як Пан заспакоіў голад іх продкаў, спасылаючы манну з неба. Пакуль што Езус абмяжоўваецца задавольваннем фізічнага голаду, але гэтага Яму недастаткова. Фізічны голад задаволіць хлеб, выпечаны з зерня, але духоўны голад немагчыма заспакоіць спажываннем матэрыяльнага хлеба. У сінагозе ў Кафарнаўме Езус адкрыта скажа: «Я — хлеб жыцця».

«Няма больш страху, што душа наша памрэ з голаду. Нам назаўсёды гарантаваны гэты найсвяцейшы хлеб, манна Божай Чалавечнасці Езуса» (св. Тэрэза ад Езуса).

З кнігі кармэліцкіх разважанняў
Szukać Jego towarzystwa”, т. 3, с.
340-341.

17 звычайная нядзеля

24/07/21