32 звычайная нядзеля
ЕВАНГЕЛЛЕ (Мк 12, 41-44)
Сеўшы насупраць скарбонкі, Езус назіраў, як людзі кідалі грошы ў скарбонку. Многія багатыя кідалі памногу. І прыйшла адна бедная ўдава, і ўкінула дзве лепты, што складае чвэрць аса. Паклікаўшы вучняў сваіх, Езус сказаў ім: «Сапраўды кажу вам, што гэтая бедная ўдава ўкінула больш за ўсіх, хто кідаў у скарбонку. Бо ўсе кідалі, маючы лішак, а яна, будучы ў нястачы сваёй, укінула ўсё, што мела, увесь пажытак свой».
КАМЕНТАРЫЙ
Дзіўна паводзіць сябе Езус. Сядае насупраць скарбонкі, каб назіраць, як людзі кідаюць у яе грошы. Здаецца, нібы выглядае сапраўдных ахвярадаўцаў, тых, хто падыходзіць да гэтай справы сур’ёзна. Гэтаксама і сёння, Езус уважліва прыглядаецца да нас. Для нас з’яўляецца моцнай падтрымкай
- ведаць, што гэта сапраўды так;
- верыць у Яго поўны любові позірк, які заўважае нашыя патрэбы, нашыя намаганні, уражлівасць, нашае старанне чыніць дабро.
Але ў той жа час у сённяшнім фрагменце Евангелля ёсць і перасцярога. Той жа самы позірк заўважае кожную праяву фальшу, крывадушнасці і пазіравання з нашага боку. Бо перад намі заўсёды ёсць дзве дарогі, дзве ўнутраныя паставы і нам трэба выбіраць:
- мы можам станавіцца ўсё больш чыстымі ў сваім намеры служыць Богу, быць усё больш убогімі і прыносіць Яму сапраўды вялікія дары;
- але можам таксама станавіцца ўсё больш павярхоўнымі, усё больш углядацца ў сваю ўласную праведнасць і дасканаласць.
У адным можам быць упэўненыя — Бог глядзіць на нас і Ён ніколі не памыліцца ў ацэнцы!
З кнігі кармэліцкіх разважанняў, “Szukać Jego towarzystwa”, т. 4, с. 293-294
Ілюстрацыя: FreeBibleimages
вул. Герасіменкі 6/1
220047 Мінск
Сайт вікарыяту ў Беларусі
Партал Каталіцкага Касцёла ў Беларусі
Афіцыйны сайт ордэна
Курыя вікарыяту
Cайт Варшаўскай правінцыі
Сайт зроблены ў канструктары сайтаў WebWave