4 Велікодная нядзеля
ЕВАНГЕЛЛЕ (Ян 10, 11-18)
Езус сказаў: «Я — добры пастыр. Добры пастыр аддае жыццё сваё за авечак. Найміт і не пастыр, якому не належаць авечкі, калі бачыць, што прыходзіць воўк, кідае авечак і ўцякае, а воўк хапае і разганяе іх. Уцякае, бо ён найміт і не клапоціцца пра авечак.
Я — добры пастыр і ведаю сваіх, а Мае ведаюць Мяне, як Мяне ведае Айцец і Я ведаю Айца. Я жыццё сваё аддаю за авечак. Ёсць у Мяне таксама іншыя авечкі, якія не з гэтага двара. І гэтых Мне трэба прывесці, і яны будуць слухаць голас Мой, і будзе адзін статак і адзін пастыр.
За тое любіць Мяне Айцец, што Я аддаю жыццё сваё, каб узяць яго зноў. Ніхто не адбірае яго ў Мяне, але Я сам аддаю яго. Я маю ўладу яго аддаць і маю ўладу зноў узяць яго. Такую запаведзь Я атрымаў ад Айца Майго».
КАМЕНТАРЫЙ
Толькі той з’яўляецца пастырам, хто аддае жыццё, хто падтрымлівае ў сабе гатоўнасць аддаць жыццё. Чалавек спаўняецца тады, калі становіцца дарам для іншага, калі дасягае здольнасці переступіць праз уласнае «я» ажно да прынясення сябе ў ахвяру. Нашая штодзённасць зноў і зноў адкрывае перад намі разнастайныя магчымасці аддаць жыццё. Часам гэта будуць толькі «дробныя капейкі», аднак Езус бачыць, як мы іх аддаём: не таму, што маем лішак, але гэта «ўвесь наш пажытак».
Папросім Духа Святога, каб Ён асвятляў нашую штодзённасць і паказваў нам тыя месцы і тыя моманты, дзе мы атрымліваем моц аддаць жыццё, каб потым зноў яго атрымаць у іншай перспектыве, у перспектыве неба.
З кнігі кармэліцкіх разважанняў “Szukać Jego towarzystwa”, т. 2, с. 262-263
вул. Герасіменкі 6/1
220047 Мінск
Сайт вікарыяту ў Беларусі
Партал Каталіцкага Касцёла ў Беларусі
Афіцыйны сайт ордэна
Курыя вікарыяту
Cайт Варшаўскай правінцыі
Сайт зроблены ў канструктары сайтаў WebWave